Атырауда облыстық балалар ауруханасындағы балалар өліміне қатысты брифинг өтті, деп хабарлайды Aтырау облысының өңірлік коммуникациялар қызметі.
Атырау облыстық балалар ауруханасының директоры Нұрқабыл Айтмұхамбетов қайғылы жағдайға қатысты түсінік берді.
«Үш бірдей жағдай тіркелді. Оның екеуі Атырау облыстық балалар ауруханасында, бір жағдай Нұр-Сұлтан қаласындағы «Ана мен бала» орталығында болды.
Тоқталып өтер болсақ, бірінші бала облыстық жұқпалы аурулар ауруханасында емделіп, жағдайының ауырлығына байланысты желтоқсан айының 14-і күні облыстық балалар ауруханасына ауыстырылды. Бұл ауруханада 24 күн ем алды, баланың жағдайы тұрақтандырылды. Бұған дейін бала ауруының күшею салдарынан есінен айырылып қалған еді. Кейін Нұр-Сұлтан қаласынан мамандар мен санитарлық авиация шақыртылып, баланы елордадағы орталыққа жібердік. Араға бес күндей уақыт салып, бала бақилық болды. Негізгі диагнозы – өткір ішек инфекциясы және оның асқынуы мен бүйректің жұмыс жасамауы» дейді Нұрқабыл Айтмұхамбетов.
Аурухана басшысының айтуынша, екінші бала да ауруханаға сырқаты асқынған күйде жеткізіліпті.
«Бала бірден жансақтау бөлімшесіне жатқызылды. Дәрігерлер жедел әрекет етіп, тиісті ем-дом жасады. Орталықтан білікті мамандар алдырып, қолдан келгенше барымызды салғанымызбен, ажалға ара тұра алмадық. Себебі, бала ауруханаға ауруы өте асқынған жағдайда түскен болатын» дейді ол.
«Үшінші бала ауруханаға жарақатпен, дәлірек айтқанда күйікпен келді. Емделу барысында жағдайы күрт нашарлап, жансақтау бөлімшесіне апарылып, артынша бұл бала да шетінеді. Оның себебін айтар болсақ, күйіктің әр түрлі фазалары болады. Қанының ұю жүйесінің нашарлауына байланысты бұл баламызға жүргізген еміміміз де нәтижесіз болды. Айта кетейік, бұл жағдайда да елордадағы «Ана мен бала» орталығындағы мамандардың кеңесіне жүгініп, отырдық. Біз өз деңгейіміздегі жұмыстарды толық атқардық» дейді Атырау облыстық балалар ауруханасының директоры Нұрқабыл Айтмұхамбетов.
«Үш бірдей жағдай тіркелді. Оның екеуі Атырау облыстық балалар ауруханасында, бір жағдай Нұр-Сұлтан қаласындағы «Ана мен бала» орталығында болды.
Тоқталып өтер болсақ, бірінші бала облыстық жұқпалы аурулар ауруханасында емделіп, жағдайының ауырлығына байланысты желтоқсан айының 14-і күні облыстық балалар ауруханасына ауыстырылды. Бұл ауруханада 24 күн ем алды, баланың жағдайы тұрақтандырылды. Бұған дейін бала ауруының күшею салдарынан есінен айырылып қалған еді. Кейін Нұр-Сұлтан қаласынан мамандар мен санитарлық авиация шақыртылып, баланы елордадағы орталыққа жібердік. Араға бес күндей уақыт салып, бала бақилық болды. Негізгі диагнозы – өткір ішек инфекциясы және оның асқынуы мен бүйректің жұмыс жасамауы» дейді Нұрқабыл Айтмұхамбетов.
Аурухана басшысының айтуынша, екінші бала да ауруханаға сырқаты асқынған күйде жеткізіліпті.
«Бала бірден жансақтау бөлімшесіне жатқызылды. Дәрігерлер жедел әрекет етіп, тиісті ем-дом жасады. Орталықтан білікті мамандар алдырып, қолдан келгенше барымызды салғанымызбен, ажалға ара тұра алмадық. Себебі, бала ауруханаға ауруы өте асқынған жағдайда түскен болатын» дейді ол.
«Үшінші бала ауруханаға жарақатпен, дәлірек айтқанда күйікпен келді. Емделу барысында жағдайы күрт нашарлап, жансақтау бөлімшесіне апарылып, артынша бұл бала да шетінеді. Оның себебін айтар болсақ, күйіктің әр түрлі фазалары болады. Қанының ұю жүйесінің нашарлауына байланысты бұл баламызға жүргізген еміміміз де нәтижесіз болды. Айта кетейік, бұл жағдайда да елордадағы «Ана мен бала» орталығындағы мамандардың кеңесіне жүгініп, отырдық. Біз өз деңгейіміздегі жұмыстарды толық атқардық» дейді Атырау облыстық балалар ауруханасының директоры Нұрқабыл Айтмұхамбетов.