Қызметтік міндеттерін атқару барысында қаза болған Атырау қаласы полиция басқармасының патрульдік полиция батальонының полицейі полиция сержанты Шалқар Көшкінбайұлы Ақымғалиевты еске алуға арналған Атырау облысы полиция департаментінің қызметкерлерінің арасында кіші аяқ добынан турнир өтті, деп хабарлайды AtyrauPress.
Жарыстың ашылу салтанатын Атырау облысы ПД Кадр және тәрбие жұмысы басқармасының бастығы полиция подполковнигі Нұржан Шаеденов ашып, командаларға сәттілік тіледі.
Турнирге департамент қызметкерлері, аудандық полиция бөлімдері мен қалалық полиция басқармаларының қызметкерлерінен құралған 13 топ қатысып, жоғары дәрежеде ойын көрсетті.
Нәтижесінде Атырау қаласы ПБ Жергілікті полиция бөлімі I орын, Тергеу-Анықтау бөлімі II орын, Патрульдік полиция батальоны III орынды иемделенді.
Сонымен қатар, ойында белсенді болған, үздік ойын көрсеткен ойыншылар диплом, алғыс хаттармен марапатталды.