11 Қыркүйек, 2023 178

Атырау облысында «Балақай» түзете-дамыту кабинеті ашылды


Құрманғазы аудандық емханасында «Балақай» түзете-дамыту кабинеті ашылды, деп хабарлайды AtyrauPress аудан әкімдігінің баспасөз қызметіне сілтеме жасап.

 Коррекциялық кабинет ерекше балалардың ақыл-ойын дамытуға, мінез-құлқында ауытқуы бар балаларды түзете-дамытуға арналған. Түзету кабинеті «Теңізшевройл» ЖШС компаниясының қаржылық қолдауымен «Ой-сана» психологтер қоғамдық бірлестігінің «Инклюзивті білім» жобасы аясында жүзеге асып отыр.

- Бұл жоба арнайы қажеттіліктері бар балалардың, білім беру мекемелеріндегі инклюзивті сыныптарда оқу мүмкіндігін әлдеқайда арттыратын болады. Мүмкіндігі шектеулі балалар әлеуметтендіріліп, тең ортаға көптеп қосылады деген жоспар бар, - деді «Ой-сана» психологтер қоғамдық бірлестігі төрағасы Ләйла Сұлтанбаева.

Айта кетейік, қазіргі уақытта аудан бойынша 298 ерекше бала бар. Аталған кабинет айына 40-қа жуық баланы қабылдауға қауқарлы.

Тегтер: # Құрманғазы ауданы # Атырау облысы # түзете-дамыту кабинеті