Бұл туралы ATPress.kz Атырау облысының комендатурасына сілтеме жасай отырып хабарлайды.
- Төтенше жағдайда атқарылатын қызметтің басты мақсаты - қоғам тіршілігінің қалыпты жағдайын орнату. Сондықтан, осы бағытта қызмет атқарып жүрген тәртіп сақшылары мен өзге де жауапты мамандардың жұмысына түсіністікпен қарауға, терроризмге қарсы операциялар кезіндегі шектеулерге сабырлық танытып, сақтық шараларын сақтауға шақырамын, - деді Атырау облысының коменданты Қамза Үмбетқалиев.
Сондай-ақ ол арандатушылыққа жол бермеуге және жалған ақпараттар таратпауға шақырды.
«Күдікті фактілерді байқаған жағдайда міндетті түрде полицияға хабар беруді сұраймын. Қылмыстық кодекстің 274-бабына сәйкес, мұндай әрекеттер үшін 3 жылдан 7 жылға дейін қылмыстық жауапкершілік қарастырылған – деді обыстың коменданты Қамза Үмбетқалиев.