Атырауда «Жедел жәрдем» автокөлігі жол апатына ұшырады. Жарақат алғандар бар.

Бұл туралы ATPress.kz облыстық полиция департаментінің баспасөз қызметіне сілтеме жасай отырып хабарлайды.

«Қаңтартар айының 30-ы күні, сағат 21:40 шамасында Атырау қаласы Досмухамедов-Тайманов көше қиылысында Toyota Camry маркалы автокөлігі бағдаршамның жасыл түсіне қозғалып жатқан кезде оң жағынан бағдаршамның қызыл түсіне өтіп келе жатқан «Лада Ларгус» маркалы «Жедел жардем» автокөлігіне соқтығысқан. Соқтығыс екпінімен «Жедел жәрдем» автокөлігі жол жиегіндегі жол белгісіне түйісті» делінген хабарламада. 

 Жол-көлік оқиғасы салдарынан «Жедел жәрдем» автокөлігіндегі екі адам әр түрлі дене жарақатымен ауруханаға жеткізілген. 

Тиісті іс-құжаттар жинақталуда.