Психикалық дертке шалдыққан жасөспірім мектепте төрт адамды пышақтап тастады

 Ресей Федерациясының Ростов облысында 15 жастағы жасөспірім 4 адамды пышақпен жарақаттады, деп хабарлайды Zakon.kz.

"Известия" басылымының жазуынша, оқиға 11 қыркүйек күні таңертең Ресей Федерациясының Ростов облысындағы "Красный десант" ауылында болған. Қолында пышағы бар жасөспірім мектепке кірмек болып талпынған кезде ұсталды. Төрт ересек адам жеңіл жарақат алды, бірақ балалар зардап шеккен жоқ.

    "Пышақпен қаруланып, бетіне маска киген 15 жастағы жасөспірім мектепке кірмек болып, төрт ересек адамды: үш қызметкер мен оқушылардың бірінің туысын жаралады", - деді Ростов облысының губернаторы Василий Голубев.