Балық аулауға кеткен екі адам табылды, деп хабарлайды AtyrauPress тілшісі.
Бұл туралы облыстық ТЖД Қоғаммен байланыс тобы хабарлады. Айта кетейік, ағымдағы жылдың 20 қараша күні 19:32 сағаттан бастап, Атырау қаласы Дамбы ауылдық округі Каспий теңізінің жағалауынан 1999 ж.туылған және 2001 ж. туылған ер адамдарды іздестіру жұмыстары жүргізілді. Олар 20 қараша күні 09:00 сағатта Каспий теңізіне қарай Құрсай ауылынан моторлы қайықпен балық аулауға шығып және кері оралмаған. Іздестіру жұмыстарына облыстық ТЖД, ПБ және туысқандары қатысты. 21:25 сағатта нәтиже болмай, қараңғы түскен соң құтқарушылар іздестіру-құтқару жұмыстарын тоқтатты. 21 қараша 11:25 сағатта туысқандарының көмегімен жоғалған адамдар табылды.
Ал, 20 қарашада 19 қараша күні сағат 09:00-де Құрманғазы ауданы Ниетбай ауылынан 8 км қашықтықта орналасқан "Сасықтау" учаскесі шаруа қожалықтардың бірінен 1982 ж. туылған азаматша мал іздеп, белгісіз бағатқа кеткен күйі оралмаған. Бұл туралы іздестіру-құтқару жұмыстарына шақырту түсті. 20 қарашада ол қожалықтан 15 км қашықтықтан табылды.