Жуырда облыстық спорт басқармасында жарыстарда танымал болған спортшылар мен жаттықтырушыларға облыс бюджетінен бөлінетін ай сайынғы төлем мөлшері талқыланды. Төлемдерді тағайындау туралы алдыңғы қаулы 2017 жылы шыққан, сондықтан спортшыларға сыйлықақы мөлшерін индекстеу қажет болды. Бұл туралы АtyrauРress тілшісіне басқарма орынбасары Ернұр Ниетжанов хабарлады.
Оның айтуынша, чемпиондарға, жүлдегерлерге және оларды тәрбиелеген жаттықтырушыларға сыйлықтың жаңа мөлшері айқынырақ сезіледі. Алғаш рет Паралимпиада, Сурдлимпиада ойындарының жүлдегерлері Олимпиадаға теңестірілгені айтылды. Бірақ ақша алуды жалғастыру үшін чемпион Олимпиада ойындарында тағы да жүлделі орынға ие болуы керек. Егер олимпиадашыларда бұл цикл 4 жылды құраса, онда Қазақстан чемпионы өзінің өміршеңдігін жыл сайын "дәлелдеуі" тиіс және т. б. Сыйақы олардың өмірінің соңына дейін тағайындалады (тиісінше 1-ші орыннан 5-ші орынға дейін) - 600, 500, 300, 200 және 100 мың тг және т. б. Спорттық жарыстардың нәтижелері осы деңгейдегі келесі спорттық жарыстар өткізілгенге дейін қолданылады.
Командалық және жұптық түрдегі жетістіктері үшін төлем берілмейді. Төлемдер анықтама хатының немесе бас судьяның мөрімен расталған хаттаманың негізінде жүргізіледі. ҚР, Азия, Әлем чемпионаттарында, ересектер, жастар, жеткіншектер арасындағы жеңістерге ақы төленеді. Төлемдер облыстық ұйымдарда (мүгедектер клубының қызметкерлерінен басқа) шарттық негізде ақы алатын спортшылар мен жаттықтырушыларға төленбейді. Спорттық жарыстарға кемінде 8 команда қатысуы керек. Мүгедектерге арналған спорттық жарыстарға кемінде 5 команда қатысуы тиіс.
Аман ШАМАР
Фото: автор