Атырау қаласында 27 наурыз күні «Атырау облысы Су арнасы» КМК-ның тұтынушыларға қызмет көрсетететін жаңа орталығы өз жұмысын бастады,-деп хабарлайды Өңірлік коммуникацилар қызметі.
Орталық су және кәріз жүйесіне қатысты қызмет сапасын арттыруға және тұрғындар үшін ыңғайлы жағдай жасауға бағытталған.
-Бүгінде біз тұтынушыларға барынша ыңғайлы жағдай жасауға ұмтыламыз. Жаңа орталық қызметтерді бір жерде шоғырландыру арқылы уақытты үнемдеуге, сапалы кеңес алуға және мәселелерді жедел шешуге мүмкіндік береді. Бұл — ашықтық пен тиімділікті арттыру жолындағы нақты қадам. Әрбір абонентке қолайлы жағдай жасау — біздің басты міндетіміз,- деді Атырау облысы Су арнасы директорының орынбасары Бақтияр Хамидуллаев.
Жаңа орталықта жеке және заңды тұлғалар төмендегідей қызмет түрлерін ала алады:
— Су және кәріз жүйесіне қосылуға өтінім беру;
— Төлемдер мен есеп айырысу бойынша кеңес алу;
— Келісім-шарттар мен қабылдап-тапсыру актілерін рәсімдеу;
— Техникалық қызмет көрсету мәселелерін шешу;
— Берешек туралы ақпарат алып, төлем жасау.
Орталықтың мекенжайы: Атырау қаласы, Әуэзов көшесі, 80. Жұмыс уақыты: дүйсенбі-жұма күндері, сағат 9:00-ден 18:00-ге дейін.
Атырау облысы Су арнасы КМК тұрғындарды жаңа қызмет көрсету орталығына келіп, өздерін толғандырып жүрген мәселелерге жауап алуға шақырады. Сонымен қатар орталық қызметкерлері тұтынушылардың ұсыныстары мен пікірлеріне де құлақ асады.