29 Маусым, 2022 287

Атырауда сыбайлас жемқорлыққа қатысы бар 48 тұлға сотталды

Атырауда бір жарым жыл ішінде сыбайлас жемқорлыққа қатысты 82 қылмыстық іс қаралды, деп хабарлайды ATPress.kz.


Бұл туралы сыбайлас жемқорлыққа қарсы іс-қимыл агенттігінің облыс бойынша департаменті басшысы Е.Досанов облыстық қоғамдық кеңестің кезекті отырысында мәлімдеді.
- Бір жарым жыл ішінде сыбайлас жемқорлық қылмыстар туралы 82 қылмыстық іс өндіріспен аяқталды, олардың 63-і сотқа жолданды.
Олар бойынша 48 кінәлі тұлға сотталды, оның ішінде 8 – бас бостандығынан айыруға, 35-айыппұлға және 5-өзге жазаларға тартылды.
Сотқа дейінгі іс жүргізу шеңберінде мемлекет кірісіне 1,1 млрд.теңге немесе келтірілген залалдың 96% өтелді, - деді Е.Досанов.
«Сыбайлас жемқорлықтың алдын алудың кеңінен қолданылатын шараларының бірі - мемлекеттік органдардың еңбек ұжымдарында сотқа дейінгі тергеу нәтижелері бойынша сыбайлас жемқорлық жасаудың шарттары мен алғышарттарын жою туралы ҚР ҚІЖК 200-бабы тәртібінде ұсыныстарды қарау", - деді департамент басшысы.
Жиында қоғамдық кеңес мүшелері баяндамашыға сауал жолдап, ұсыныс-пікірлерін жеткізді.

 


Ақпараттық ресурс ATPress.kz IOS пен Android қосымшаларда