25 Қаңтар, 2022 281

Атырауда қаңтар айында 5 мыңға жуық адам коронавирус індетін жұқтырған

Эпидахуалдың алдағы жағдайы вакцинациялау және ревакцинациялау жұмыстарына тікелей байланысты болады.

Бұл туралы Атырау қалалық эпидемиологиялық бақылау басқармасының эпидемиологиялық бақылау және қадағалау бөлімінің басшысы Әсел Мұқаева атап өтті, деп хабарлайды Атырау облысының өңірлік коммуникациялар қызметі.
- Өткен жылдың желтоқсан айында аптасына 30-40 науқас тіркелген болса, күні бүгін тәулігіне 400-ге жуық адамнан індет анықталып отыр. Ауру деңгейінің күрт өсуіне байланысты, карантиндік шараларды күшейтуіміз қажет, -дейді ол.
«2021 жылы облыста коронавирус инфекциясын 23 238 адам жұқтырды. 2022 жылдың қаңтар айының өзінде 5 мыңға жуық науқас анықталды.
Талдап айтар болсақ, қаңтардың алғашқы аптасында 59, екінші аптада 130, үшінші аптада 1 мың 936 адам ковид жұқтырып отыр. Соңғы аптадағы статистика науқас санының 2 мың 448-ге артқанын көрсетіп отыр» деді спикер.
Қазіргі таңда облыстық аурухананың жұқпалы аурлар бөлімінде 200-ден астам науқас ем қабылдауда.
- Олардың 76-сы - жүкті әйелдер. Жиырмаға жуық науқас - жансақтау бөлімдерінде. Төрт науқас өкпені жасанды желдету аппаратына қосылған» деді спикер Әсел Мұқаева.