21 Қаңтар, 2021 180

Вакцинация – коронавирус инфекциясын жеңудің жалғыз жолы

Жоғары санатты дәрігер-пульмонолог Саттар Ералиев қазақстандықтарды коронавирус инфекциясына қарсы вакцинацияға белсенді қатысуға шақырды, деп хабарлайды ATPress.kz


- Вакцинация - көптеген инфекциялық ауруларды жеңді. Бұл ғылыми дәлелденген дүние. Қазір КВИ-ге қарсы дәрі жоқ. Тіпті, болмауы да мүмкін. Бұл әлімдік медицина тарихында бар дүние. Мысалы, шешек ауруына дәрі табылған жоқ. Осы ауруға байланысты кезінде қаншама пандемиялар болды. Жер шарында мыңдаған адам көз жұмды. Шешектi тек вакцинациялау аркылы жеңдiк. Сондықтан, вакцинация – коронавирус ифекциясын жеңудің жалғыз жолы. Негізі, аурумен адамның ағзасы күреседі. Біз беріп жатқан дәрі-дәрмектер ауруға төтеп беру үшін адам ағзасының қорғанысына сеп болады. Мысалы, оттегі жетпей жатса, оттегін береміз, қан қоюланса, соны сұйылтатын дәрі береміз. Яғни, симптоматиялық ем жүргіземіз. Жалпы, біз зақымданған ағзаның қызметін қалпына келтіруге тырысамыз, - деді Саттар Ералиев.

Сонымен қатар, ол Қазақстанда жаппай вакцинация басталған кезде адамдарды белсенді түрде қатысуға шақырды.

- Коронавируспен ауырған науқастар вакцина салдыру керек, өйткені аурудан кейін иммунитет 3 айдан 6 айға дейін қалыптасады. Осы уақыт аралығында олар тағы да жұқтырып алуы мүмкін. Мен тұрғындарды вакцинацияға белсенді қатысуға шақырамын, - деді дәрігер.

 

Дереккөз: inform.kz



Ақпараттық ресурс ATPress.kz IOS пен Android қосымшаларда