20 мыңға жуық полицей қауіпсіздікті қамтамасыз етеді (+ВИДЕО)
20 мыңға жуық полицей мен ұландық мереке күндері азаматтардың қауіпсіздігін қамтамасыз етеді, деп хабарлайды AtyrauPress тілшісі.
Елордалық жедел басқару орталығында ішкі істер министрі Марат Ахметжанов өңірлік полиция департаменттерінің жеке құрамымен жедел кеңес өткізді.
- Сіздерге осы мереке күндері қызмет атқару міндеті жүктеліп отыр. Азаматтарымыздың қауіпсіздігі мен тыныштығы жоғары деңгейде қамтамасыз етілуі қажет. Әрбір өтінішке құлақ асып, қамқорлық және ұқыптылық таныту парыз. Барынша сыпайы болып, мұқияттылық көрсеткен абзал. Тұрғындар полиция мен Ұлттық ұланның қашан да қоғам қауіпсіздігінің кепілі екеніне сенімді болуы тиіс, – деді ведомство басшысы.
Сонымен қатар ол әріптестерін келіп жеткен Наурыз мейрамымен құттықтады.
Амандық САҒЫНТАЙҰЛЫ