Жеңіл атлетикадан жеңіске жетті
11-12 наурыз күндері Астана қаласында Қазақстан Республикасы жеңіл атлетика федерациясының ұйымдастыруымен жеңіл атлетикадан шеберлер арасында Қазақстан Республикасының II Қысқы чемпионаты өтті, деп хабарлайды AtyrauPress тілшісі.
Бұл туралы спорт басқармасы мәлім етті. Сайысқа 35 жастан асқан спортшылар бақ сынады. Атырау облысының командасы 4200 метр эстафетада қарсылас шақ келтірмей, жеңіске жетті. Елдос Қуандықов 1500 метрге жүрігуде алтын, 3000 метрде алтын және ұзындыққа секіруден қола жүлде жеңіп алды. Еркебұлан Аташев 800 метрге жүрігуде алтын және 1500 метрде күміс жүлделерге ие болды. С.Сатеков - 3000 метрде, Б.Ерденбекова 3000 метрде және А.Кулсариев ұзындыққа секіруден күміс медаль иегерлері атанды. Спортшыларды жарысқа дайындаған Нұролла Мамбетов.
