Атырау облысы жоғарғы спорт шебері мектебінің ұйымдастыруымен “Заң мен тәртіп” жобасын жүзеге асырды. Жоба аясында есірткі қылмысына қарсы құқықбұзушылықтарының алдын алуға бағытталған ақпараттық-түсіндіру шарасы өтіп,Атырау облысы полиция Департаменті Есірткі қылмысына қарсы іс-қимыл басқармасының жедел уәкілі полиция майоры Ідірісов Айбол Қайратұлы қатысты.
Кездесу барысында қатысушыларға есірткі, психотроптық заттардың заңсыз айналымы үшін Қазақстан Республикасының заңнамасында көзделген жауапкершілік туралы кеңінен ақпарат берілді. Мамандар есірткі қылмыстарының салдары, оның адам өмірі мен болашағына тигізетін зияны жөнінде түсіндіріп, жастарды заңға бағынуға және салауатты өмір салтын ұстануға шақырды.
Шараның басты мақсаты-қоғамда есірткіге қарсы иммунитет қалыптастырып, жастар арасында құқықтық сауаттылықты арттыру.
Есірткі курьері болу-«оңай ақша» емес, бұл-өз болашағыңды құрту.
Сондықтан өмірді таңда, есірткіге «Жоқ!» деп айт!