Жалпыхалықтық референдум қарсаңында тұрғындар арасында кең ауқымды ақпараттық-түсіндіру жұмыстары жалғасуда. Соның бірі – халықпен тікелей байланыс орнатуға бағытталған «Есіктен есікке» акциясы.
Аталған шараның басты мақсаты – әрбір тұрғынға алдағы саяси науқанның маңызын жан-жақты түсіндіріп, азаматтардың қоғамдық-саяси белсенділігін арттыру және референдумға қатысудың маңыздылығын жеткізу.
Акция барысында ұйымдастырушылар аудан тұрғындарының үйлерін аралап, арнайы дайындалған ақпараттық парақшалар мен түсіндірме материалдарын таратты. Онда референдумның мәні, оның ел дамуы үшін маңызы, сондай-ақ дауыс беру процесінің тәртібі туралы нақты әрі толық мәліметтер қамтылған. Сонымен қатар тұрғындарға референдумға қатысудың әр азаматтың азаматтық ұстанымын білдірудегі маңызды қадам екені түсіндірілді.
Кездесу барысында тұрғындар тарапынан қойылған сұрақтарға толық әрі нақты жауаптар беріліп, дауыс берудің тәртібі, уақыты және қатысу жолдары егжей-тегжейлі түсіндірілді. Мұндай ашық форматтағы кездесулер халықтың ақпараттану деңгейін арттырып қана қоймай, қоғамдағы өзекті мәселелер бойынша пікір алмасуға да мүмкіндік берді.
Ұйымдастырушылардың айтуынша, «Есіктен есікке» акциясы тұрғындармен тікелей байланыс орнатудың тиімді тәсілдерінің бірі болып табылады. Бұл шара азаматтардың референдум туралы дұрыс әрі толық ақпарат алуына және елдегі маңызды саяси науқанға белсенді қатысуына ықпал етеді. Алдағы уақытта да осындай ақпараттық-түсіндіру жұмыстары аудан көлемінде жалғасын табатын болады.