Мен Атырау облысы тумасымын. Дубна қаласындағы Біріккен Ядролық Зерттеу Институтының ғылыми қызметкері және аспиранты ретінде, бүгін референдумға өз үлесімді қосуға шешім қабылдадым.
Референдум – еліміздің саяси дамуындағы болашағын қалыптастыруда маңызды қадам.
Референдумға қатысу – бұл тек саяси құқығымызды жүзеге асыру ғана емес, сондай-ақ Қазақстанның болашағы үшін жауапкершілік сезімін сезіну. Өзіміздің біліміміз бен ғылыми тұрғыдан алған көзқарасымызбен болашақтағы маңызды шешімдерге әсер етуіміз қажет.
Бұл өзгерістер елдегі саяси жүйені жаңарту, демократияны тереңдету, және азаматтардың құқықтарын нығайту мақсатында жасалуда. Әрбір өзгеріс біздің қоғамды жетілдіруге және әділдікті нығайтуға бағытталған.
Ғылым мен білім – елдің дамуының негізгі қозғаушы күші. Сондықтан бүгінгі референдум – біздің таңдауымызды жасау және болашаққа жауапкершілікпен қарау мүмкіндігі. Бұл процесте белсенді болу біздің азаматтық борышымыз деп білемін.
Біз, магистрлер, аспиранттар және докторанттар, референдумға қатысуды еліміз үшін маңызды қадам деп санаймыз. Бұл процесс біздің болашағымызды қалыптастыруда шешуші рөл атқарады. Сондықтан біз еліміздің саяси және әлеуметтік дамуына өз ықпалымызды тигізуді міндет санаймыз.
Нұрзада САҚТАҒАНОВ,
Атырау облысы тумасы, аспирант,
Біріккен ядролық зерттеулер институтының және Ядролық физика институтының ғылыми қызметкері