Атырау қаласындағы №57 референдум учаскесінде Атырау әйелдер футбол клубының 18 жасқа толған спортшысы Інжу Серікқали республикалық референдумға алғаш рет қатысып, өз таңдауын жасады.
Жас спортшы референдум учаскесіне келіп, дауыс беру рәсімінен өтіп, ел болашағына қатысты маңызды шешім қабылдауға өз үлесін қосты.
Жас сайлаушының айтуынша, бұл күн оның өміріндегі ерекше сәттердің бірі. Себебі кәмелет жасына толғаннан кейін алғаш рет дауыс беру арқылы азаматтық ұстанымын білдіруге мүмкіндік алған.
— Бүгін мен алғаш рет дауыс беріп отырмын. Бұл мен үшін өте маңызды әрі жауапты қадам. Әрбір жас елдің болашағына бейжай қарамай, осындай маңызды қоғамдық-саяси науқандарға қатысуы керек деп ойлаймын, — деді Інжу Серікқали.