Атырау облысында “Жанұя және бала” іс-шарасы аясында 100-ден аса құқық бұзушылық анықталды, деп хабарлайды AtyrauPress тілшісі.
Атырау облысында 12-15 наурыз аралығында кәмелетке толмағандардың құқықтарын қорғау, олардың қадағалаусыз және панасыз қалуының алдын алу, сондай-ақ құқықтық сауаттылықты арттыру мақсатында «Жанұя және бала» жедел-профилактикалық іс-шарасы өткізілді.
Іс-шара барысында облыс бойынша 101 құқық бұзушылық анықталды. Оның ішінде:- ҚР ӘҚБтК-нің 127-бабы бойынша – 32;- ҚР ӘҚБтК-нің 440-бабының 2-бөлігі бойынша – 3;- ҚР ӘҚБтК-нің 442-бабының 1-бөлігі бойынша – 4;- ҚР ӘҚБтК-нің 442-бабының 2-бөлігінің 3-тармағы бойынша – 255 құқық бұзушылық тіркелді.
Сонымен қатар, “Зорлық-зомбылық және жауапкершілік” тақырыбында облыс аумағында 100-ге жуық ата-аналар жиналысы өткізілді. Іс-шара аясында облыс бойынша 105 жайсыз отбасы тексеріліп, қосымша 9 отбасы жайсыз отбасылар есебіне алынды.
Бұл бағыттағы жұмыстар жалғасады.
Амандық АБДОЛ