28 қазан күні сағат 12:10 шамасында Исатай аудандық полиция бөлімінің 102 арнасына 101 абонеттік номерінің операторы 1976 жылы туған аудан тұрғынының 3 күн бұрын Айбас елді мекенінде мотоциклмен мал іздеуге шығып, қайтып оралмағаны жөнінде хабарлаған, деп хабарлайды AtyrauPress тілшісі.
Аталған хабарлама бойынша Исатай аудандық полиция бөлімі жедел тергеу тобының қызметкерлері іздестіру шараларын жүргізіп, нәтижесінде оқиға орын алған жерден шамамен 30-40 шақырым қашықтықта Атырау қаласы бағытында табылған. Исатай аудандық полиция бөлімі жедел-тергеу тобының екі күнге созылған іздестіру шаралары нәтижесінде 30 қазан күні кинолог мамандар 1976 ж.т. азаматтың Исатай ауданынан 270 шақырым жерде орналасқан Батыс Қазақстан облысы Жаңқала елді мекенінен аман-сау тапқан.
Осы ретте, қызметтік міндеттерін жоғары жауапкершілікпен атқарып, жедел іздестіру іс-шаралары кезінде белсенділік пен қырағылық танытқан Исатай аудандық полиция бөлімінің жедел тергеу тобы, Исатай аудандық №6 өрт сөндіру бөлімі және Атырау облысы ПД Кинологиялық қызмет орталығының қызметкерлері департамент бастығының Алғыс хатымен марапатталды.
Амандық САҒЫНТАЙҰЛЫ