Жылыойлық 1250 отбасына материалдық көмек төленді

Бұл туралы Атырау облысы әкімінің орынбасары Жасұлан Бисембиев Төтенше жағдайлар жөніндегі жедел штабта өткен брифинг барысында мәлімдеді, деп хабарлайды AtyrauPress тілшісі облыстық төтенше жағдай жөніндегі жедел штабқа сілтеме жасап.

Жылыой аудандық жұмыспен қамту және әлеуметтік бағдарламалар бөлімінің қызметкерлері су тасқынынан зардап шеккен отбасылардың өтініштерін тәулік бойы өңдеуде.

- Қазіргі уақытта 1250 Жылыой отбасына 100 АЕК мөлшерінде бір жолғы материалдық көмек төленді. Жергілікті тұрғындардан өтініштер қабылдау жалғасуда, - деді Жасұлан Бисембиев.

Фото: atpress.kz