Алдағы күндері күн қатты ыстық болмақ
Қазақстанда алдағы демалыс күндері ауа райы ыстық болады. Бұл туралы Stan.kz ақпарат агенттігі хабарлайды. "Қазгидромет" РМК мәліметінше, еліміздің басым бөлігіндегі ауа райы оңтүстік ағындар әсер ететін антициклон ықпалымен анықталады.
"Тек батыс облыстарда және республиканың оңтүстік-шығысындағы таулы аймақтарда циклон мен атмосфералық фронтальды бөліктердің әсерінен найзағай ойнап, жаңбыр жауады. Республиканың оңтүстік аймақтарында жел күшейіп, шаңды дауыл соғады", - дейді синоптиктер.
Күндіз қатты ыстық сақталады. Оның ішінде:
- республиканың солтүстік-батысында, солтүстігінде плюс 36-41°С дейін;
- шығыста – 33-39°С дейін;
- орталықта – 33-41 ° С дейін;
- оңтүстікте – 37-44°С дейін;
- оңтүстік-шығыста – 30-39°С градусқа дейін ыстық болады.
