МӘМС мамандары атыраулықтармен кездеспек
Атырауда міндетті әлеуметтік медициналық сақтандыру жөнінде түсіндіру жұмыстары жүргізіледі, деп хабарлайды AtyrauPress тілшісі.
Атырау қалалық әкімдігінің мәліметінше, 30 қараша сағат 10:00-де Құрманғазы атындағы мәдениет сарайында тұрғындарға денсаулық сақтау сұрақтары және міндетті әлеуметтік медициналық сақтандыру жөнінде түсіндіру мақсатында қала тұрғындарымен кездесу өтеді.
Сондай-ақ, кездесу барысында Атырау облысы Денсаулық сақтау басқармасы және Әлеуметтік медициналық сақтандыру қорының Атырау облысы бойынша филиалының тұрғындарды жеке сұрақтары бойынша қабылдауы өткізіледі.
