Атырау облысында қаңтардың соңына дейін 50 мыңға жуық адам ревакцинацияланады
Қазіргі таңда облыс бойынша 11 123 адам қайта вакцинацияланды, деп хабарлайды Атырау облысының өңірлік коммуникациялар қызметі
2022 жылдың 31 қаңтарына дейін 50 мың адамға ревакцинация жасалады.
Бұл туралы баспасөз алаңында өткен онлайн брифинг барысында Атырау облысы Денсаулық сақтау басқармасы басшысының орынбасары Қайсар Абдалиев мәлімдеді.
"Бүгінгі күні инфекциялық стационарларда коронавирустан 285 науқас, реанимация бөлімінде 8 науқас емделуде.
Сондай-ақ, «Комирнати» вакцинасының I компоненті 3120 адамға салынды. Оның ішінде 1398 оқушы, 164 жүкті және 1558 лактация кезеңіндегі аналар бар.
Сонымен қатар, облыста «Ашық» бағдарламасы арқылы 8735 кәсіпкерлік нысандар тіркелген.
Осы аралықта барлық тіркелген нысандардан 2727 қызыл және 1801 сары мәртебелі адамдар анықталды", деді спикер.
