Биыл 302 мектеп салынбақ

ҚР Оқу-ағарту министрлігі  апатты, үш ауысымды мектептердің мәселесін шешу мақсатында жүйелі жұмыстар жүргізуде. Биылғы жылы 500 мыңнан астам орынға арналған 302 мектеп салу жоспарлануда, деп хабарлайды AtyrauPress тілшісі.

Бұл туралы ведомствоның баспасөз қызметі мәлім етті.

«Жаңа оқушы орындарын пайдалануға беру түрлі қаржыландыру көздері есебінен жүзеге асырылатын болады. «Жайлы мектеп» ұлттық жобасы бойынша 217 мектеп, Білім беру инфрақұрылымын қолдау қорының есебінен 25 жоба, сондай-ақ жергілікті бюджет және жеке инвестицияларды тарту арқылы 60 мектеп салынады», – дейді Инфрақұрылымды дамыту департаментінің басқарма басшысы Жайық Махсутов.

Мемлекет жыл сайын мектептерді салуға және жаңғыртуға қаражат бөліп келеді. Тек соңғы үш жылда 477 мың орындық 791 мектеп пайдалануға берілді.

Фото: ortcom.kz