Жылыой ауданы әкімінің орынбасары тағайындалды

Бұл туралы аудан әкімдігі мәлім етті, деп хабарлайды AtyrauPress тілшісі.

Жылыой ауданы әкімінің 2023 жылғы 31 қаңтарындағы №10-к өкімімен Айшуақова Гүлнафис Аязберікқызы Жылыой ауданы әкімінің орынбасары лауазымына тағайындалды.

 Айшуақова Гүлнафис Аязберікқызы 1984 жылы 24 қарашада Атырау облысы Қызылқоға ауданы Миялы ауылында дүниеге келген. Ұлты қазақ. Білімі жоғары.

2007 жылы Қазақ гуманитарлық заң университетін заңгер мамандығы бойынша бітірген.

 Еңбек жолын 2008 жылы "Карат" ЖШС-де заңгердің көмекшісі болып бастаған.

2013 жылы Жылыой ауданы әкімі аппаратыда заңгер-кеңесші болып қызмет еткен.
2013-2016 жылдары Жылыой ауданы әкімі аппаратының мемлекеттік-құқықтық бөлімінің іс жүргізу жөніндегі инспекторы болып қызмет атқарған.

 2016-2019 жылдары Жылыой ауданы әкімі аппаратының мемлекеттік-құқықтық бөлімінің бас маманы лауазымында қызмет жасаған.

2019 жылдың наурыз айынан күні бүгінге дейін Жылыой ауданы ішкі саясат бөлімінің басшысы лауазымын атқарып келді.

 Атырау облысы әкімі аппараты жанындағы конкурстық комиссиясының «Б» корпусы мемлекеттік әкімшілік бос лауазымдарға ішкі конкурстардың қорытындысы бойынша 2023 жылдың 31 қаңтарынан бастап аудан әкімінің №10-к өкімімен аудандық ішкі саясат бөлімі басшысы лауазымынан босатылып, Жылыой ауданы әкімінің орынбасары лауазымына тағайындалды.