Томарлыда жоғалған бүлдіршін қызық жағдайда табылды...
Томарлы ауылдық округінде жоғалған қыз дүкеннен табылды, деп хабарлайды AtyrauPress тілшісі.
Біз облыстық полиция департаментіне хабарласып, мәселенің мән-жайын сұрастырған едік. Ондағылардың айтуынша, аталған округтегі саз мектебінде оқитын жеті жасар қыз сабақтан ерте тарап, үйін таба алмай қалған. Мектепке барған ата-анасы оны таппаған соң, әлеуметтік желіге суретін жариялаған. Көп ұзамай желі қолданушылары бүлдіршінді танып, оның "Айкен-ай" дүкенінде ата-анасын күтіп отырғанын айтқан. Полицейлер дереу жетіп, жоғалған оқушыны тауып алды. Қарындасының аман-есен табылғанына қуанған ағасы дүкен иесіне өз алғысын білдірді.
