Қазіргі таңда өңірде қар тазалау жұмыстары үздіксіз атқарылуда.
Бүгінде қала аумағындағы орталық көшелер қоғамдық көлік қатынауы үшін қардан тазартылып, жол жиегіне жиналды. Осы ретте, арнайы мекемемен жиналған қар қала сыртына бекітілген жерлерге шығарылуда.
Сонымен қатар, жеке сектор тұрғындарын қар күреуде бірлесе қызмет атқаруға шақыра отырып, өз аулаларыңыздан күрелген қарды көшеде техника жинауға қолайлы болуы үшін жинақтап қою сұралады.
Осы орайда, өңірдегі ірі мекемелердің, сауда орындарының, кәсіпкерлік нысандардың аумағындағы қарды жинақтап, өз күштерімен қала сыртына шығару сұралады. Қала көлемінде қар төгуге болатын орындар анықталды. Олардың мекен жайларын қалалық әкімдік қызметкері Рахимов Кенжеболат Шадиярұлынан 8701 0129189 байланыс нөмірі арқылы біле аласыз.
Айта кетейік, қар жауған күннен бастап бүгінге дейін қала сыртына 5800 текше метр қар шығарылды.