Қалалық мәслихат депутаты Қаршыға Жауымбаев өз таңдауын жасады (+видео)

Бүкілхалықтық референдум барысында Атырау қалалық мәслихатының хатшысы Қаршыға Жауымбаев дауыс беру учаскесіне барып, ел болашағына енжар қарамайтынын білдірді. №41 учаскеге барған ол референдумның Қазақстан халқының болашағы үшін маңызды қадам екенін айтты. 

— Бүкіл ел бойынша өтіп жатқан референдумға қатысып, өз таңдауын жасау — әрбір қазақстандық азаматтың жеке құқығы. Осыған орай біз де өз дауысымызды беріп жатырмыз. Бұдан кейін барлық салада көп өзгеріс болады деген сенімдемін. Жаңа мүмкіндіктер пайда болып, еліміз көркейе берсін, — деді Қаршыға Жауымбаев.