Махамбеттік полицейлер жолда қалғандарға көмектесті (+ВИДЕО)
Ақтүтек боран біраз көлік жүргізушілерін әуре-сарсаңға салды, деп хабарлайды AtyrauPress тілшісі.
Күн райының қолайсыздығынан жолда қалып қойған көліктерге жол полициясы қызметкерлері көмек көрсетіп жатыр.
Мәселен, 7 ақпан мен 8 ақпан аралығында Махамбет ауылының орталық көшелерінде толассыз жауған қардың салдарынан 8 автокөлік батып қалған. Автокөліктерді шығаруға Махамбет ауданы полиция бөлімі патрульдік полиция тобының қызмет инспекторлары Жайшылықов Нұрлыбек Қаржауұлы, Жардемов Батырхан , Құрман Сиғуатұлы қалың қардың салдарынан істен шыққан автокөліктерге көмек көрсетіп, қарды күреп жүргізушілерге көмектесті.
Далада тұрып қалған жүргізушілер қауіпсіз жерге эвакуацияланды. Көмек көрсетілген жүргізушілер тәртіп сақшыларына өз алғыстарын білдірді.
Фото: Ерлан Алтыбаев
