Хаменова: «Жалған мәліметтерден басқа қандай дәлелдеріңіз бар?»

Тараптардың жарыссөзі кезінде прокурор сотталушыларға 4,5 жылдан 7 жылға дейін бас бостандығынан айыруды сұрады, деп хабарлайды AtyrauPress.

Мемлекеттік айыптаушы Лаура Асанованың сөзінен кейін сотталушы Хаменова сөз алды, ол үшін прокурор 7 жылға бас бостандығынан айыруды сұраған болатын.

"Басынан бастап іс дұрыс жүргізілмеді, көптеген құқықбұзушылықтар болды. Адамов пен Рысқалиев маған қарсы айғақтарын Антикордың қысымы арқылы бергенін айтты. Бұл айғақтарсыз менің бұл қылмысқа қатысты еместігім анық болды.
Мен "Балқыту" ЖШС-мен шарт жасасқаны үшін пара алдым немесе оған қандай да бір түрде себепсіз ықпал еттім деген күдік негізсіз, сонымен қатар, ол ойдан шығарылған және істің нақты және айтылған жағдайларына сәйкес келмейді.
Құрметті прокурор, сіз мені әлі де кінәлі деп санайсыз ба? Сізде жалған мәліметтерден басқа қандай дәлелдер мен дәйектер бар?
Мен өзімнің кінәсіздігімді тағы қалай дәлелдеуім керек? Мен кінәсізмін!"- деді Хаменова.

Сондай-ақ, сотталушы оның түрмеде болған 11 ай мерзім ішінде өзінің жағдайы ғана емес, туыстарының денсаулығы да нашарлағанын хабарлады.
"Сіз менің денсаулығымды және науқас ана мен балаларға арнауым керек болған құнды уақытты ұрладыңыз" деді айыпталушы.