Қайыршақтыда 30 көшеге жаяу жүргіншілер жолы төселеді

Биыл Қайыршақты ауылдық округінің 30 көшесіне жаяу жүргіншілер жолын салу жоспарлануда, деп хабарлайды AtyrauPress тілшісі.
29,6 шақырымды құрайтын жаяу жүргінші жолы Томарлы, Бесікті, Талғайран ауылдары, «Көктем», «Жұлдыз» шағын аудандарына төселеді. Сондай-ақ, Қайыршақтыға биылғы жылы жалпы ұзындығы 6,4 шақырымды құрайтын 24 көшеге тасжол төселмек. Олар – Томарлы ауылындағы 17 көше, Талғайран ауылындағы 3 көше, «Беймахис» бау-бақша қоғамдастығындағы 4 көше.