20 миллионыншы болып туған бес балаға баспана алуға бастама ретінде 2 миллион теңгенің сертификаты беріледі, деп хабарлайды inbusiness.kz сайты.
"20 миллионыншы болып туылған бес нәрестеге 2 миллион теңгенің (4,3 мың доллар) сертификаттары беріледі. Бұл баспана алуға бастама ретінде сый болады", - деді "Отбасы" банкінің басшысы Ләззат Ибрагимова.
Айта кетейік, қазақстандықтардың саны 20 миллионға жетті. Президент Қасым-Жомарт Тоқаев қазақстандықтарды ақжолтай жаңалықпен құттықтады.
Халықтың деректер базасының көрсеткіштеріне сәйкес, 2023 жылғы 14 қарашада таңғы сағат 8.10-да туған 5 бала еліміздің 20 миллионыншы тұрғыны атанды.
Қазақстанның мерейлі азаматтары Ұлытау, Жетісу, Атырау, Ақмола және Түркістан облыстарында дүниеге келді. 3 ұл және 2 қыз.
Қазақстанның 20 миллионыншы азаматы атанған бес балаға 2 миллион теңгенің сертификаты беріледі.
Фото:freepik.com