Индерде 22 кәсіпкерлік нысан пайдалануға берілді (+ФОТО)
Бұл туралы Индер ауданының әкімі Дарын Шамұратов мәлім етті, деп хабарлайды Атырау өңірлік коммуникациялар қызметі.
Ауданда осы жылы жұмыс істеп тұрған шағын және орта кәсіпкерлік субъектілерінің саны 1983 болып, өткен жылдың сәйкес кезеңімен салыстырғанда 319-ға өсіп отыр.
- Жыл басынан аудан бойынша әртүрлі кәсіпкерлік бағытта 22 нысан халық игілігіне пайдалануға берілсе, солардан 29 жаңа жұмыс орны ашылды. Олар 3 кафе, 9 дүкен, 2 шағын маркет, 2 сауда орталығы, 3 көлік жөндеу және жуу орталығы, 1 брусчатка шығару цехы, 2 көкөніс дүңгіршегі. Бүгінде мемлекеттік бағдарламалар арқылы 61 жоба 419 млн 600 мың теңге көлемінде грант және несиемен қаржыландырылды,- деді Д.Шамұратов.
