Эвакуациялық пункттердегі балаларға мерекелік тарту жасалды

1 маусым - Халықаралық балаларды қорғау күніне орай Атырау облысы Білім беру басқармасының Балаларға қосымша білім беру, оқу-әдістемелік және ғылыми-практикалық орталығы су тасқыны кезінде Х.Досмұхамедов атындағы Атырау университеті, АРЕС Petro Technic жоғары колледжі базаларына эвакуацияланған отбасылардың 145 баласына мерекелік шара ұйымдастырды.

Атырау қалалық Абай оқушылар орталығының сазды бағдарламасы ұсынылып, балаларға демеушілер тарапынан сыйлықтар тарту етілді.

Және балалардың жазғы демалыс кезеңін тиімді өткізу мақсатында «Каникулда кітап оқимыз!» акциясы ұйымдастырылды. Балаларға баспадан жаңа шыққан қызықты кітаптар табысталды.