Сұпыш Хасанов көшесі көлік қозғалысы үшін пайдалануға берілді, деп хабарлайды AtyrauPress тілшісі.
Өңірлік коммуникациялар қызметінің мәліметінше, Еркінқала ауылдық округіндегі С.Хасанов көшесі төрт жолаққа дейін кеңейтілді.
- Жастар көшесінен Еркінқала ауылына дейінгі 11,1 шақырымды құрайтын тас жолды қайта жаңғырту жұмыстары екі жарым жылға жоспарланды. Жоба бойынша С.Хасанов көшесіне жаяу жүргінші жолын салу, жол белгілері мен аялдамаларын және жарық шамдарын орнату жұмыстары жүргізіледі, - деді қала әкімдігінің баспасөз-хатшысы Ғасырбек Төлеген.
Оның айтуынша, келер жылы асфальттың соңғы қабаты төселіп, толықтай пайдалануға беріледі.
Сәуле МАҒАУ