Бүгін Атырауда ауа сапасы нашарлайды
Бүгін 3 қалада ауа сапасы нашарлайды. Соның ішінде Атырау да бар, деп хабарлайды AtyrauPress BAQ.KZ-ке сілтеме жасап.
«Қазгидромет» РМК Қазақстан қалаларындағы ауа сапасына болжамын жариялады.
21 шілдеде Алматы, Ақтөбе, Атырау қалаларында ауаның ластануының қолайсыз метеорологиялық жағдайлары күтіледі.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.
