Бұл туралы Атырау облыстық Денсаулық сақтау басқармасының басшысы Асхан Байдуәлиев БАҚ өкілдерімен кездесуде мәлім етті.
- Мемлекет медицина қызметкерлеріне жан-жақты қолдау көрсетіп, денсаулық сақтау саласын дамытуға баса назар аударуда. Мемлекет басшысы Қасым-Жомарт Тоқаев айтқандай, ұлт саулығы – Жаңа Әділетті Қазақстанды құру жолындағы мемлекеттік саясатымыздың аса маңызды бағыты болып табылады. Бүгінде өңірдегі кадр жетіспеушілігін жою мақсатында бірқатар жұмыстар алға қойылды. Асфендияров атындағы Қазақ ұлттық медицина университеті атыраулық түлектер үшін фармация факультетіне 30 грант бөлді. Бұл мектеп бітіруші түлектерге үлкен мүмкіндік. Атырау облысының жоғары медициналық колледжінен де жыл сайын 70-тен астам грант бөлініп келеді, деді А.Байдуәлиев. Сонымен қатар, дәрігерлер мен медбикелер, медицина қызметкерлерінің біліктілігін арттыру мақсатында жұмыстар жоспарлы түрде атқарылып келеді. Жоспарға сәйкес 20 бағыт бойынша басымдық бағытпен 80 тақырып бекітіліп (акушер-гинеколог, анестезиолог-реаниматолог, неонатолог, балалар хирургы, онколог және т.б.), ол тақырыптар бойынша облыстық медицина ұйымдарында, Ұлттық ғылыми-зерттеу институттарында және Израйль және Германия елдерінде білімдерін жетілдіретін болады.
Облыстық денсаулық сақтау басқармасының баспасөз қызметі.
Фото Kz. testing. kz алынды