Саламат Мұқашев атындағы Атырау политехникалық жоғары колледжінің оқытушысы Гаухар Қабдешова мен Атырау аграрлық-техникалық колледжінің оқытушысы Айгүл Сүйесінова «Үздік педагог – 2023» байқауының жеңімпазы атанды.
Елімізде 2012 жылдан бастап педагог кәсібінің мәртебесін арттыру және кәсіби қызметінде жоғары жетістіктері бар педагогтарға қолдау көрсету мақсатында дәстүрлі түрде ұйымдастырылатын «Үздік педагог» байқауына
1000-ға жуық педагог өтінім беріп, республикалық кезеңге мектепке дейінгі, орта, техникалық және кәсіптік білім беру ұйымдарынан 400 педагог өткен.
«Үздік педагог» атағын беру жөніндегі республикалық комиссия отырысының қорытындысы бойынша Республика бойынша 64 мұғалім «Үздік педагог» атағына ие болды. Бүгін Елордада өткен марапаттау рәсімінде Оқу-ағарту министрі Ғани Бейсембаев үздік педагогтерге төсбелгі мен 1 000 АЕК ақшалай сертификат табыстады.