Әрбір құтқарылған адам – өрт сөндірушілер үшін үлкен қуаныш және сәттілік. Осындай қуанышқа және халықтың алғысына бөленген - Атырау қаласы №3 өрт сөндіру бөлімінің бөлімше командирі азаматтық қорғау аға сержанты Дербес Нұрлыбекұлы Тұрғалиев, деп хабарлайды AtyrauPress тілшісі.
Бұл туралы облыстық төтенше жағдайлар департаменті Қоғаммен байланыс тобы мәлім етті. 16 сәуір күні Атырау қаласы, Абай көшесіндегі тұрғын үйлердің бірінде болған өрт оқиғасында 6 қабаттан құтқарылған бүлдіршін құтқарушыға алғысын суретпен жеткізді. Құтқарушы мамандығының ең басты міндеті адамдар өмірін құтқару, қауіпсіздігін қамтамасыз ету. Бұл – жоғары және жауапты миссия.