Атырау облысы ТЖД «Өрт сөндіру және авариялық құтқару жұмыстары қызметі» РММ ұйымдастыруымен 1 – Маусым Халықаралық балалар күніне орай, «Шаңырақ» балалар үйі тәрбиеленушілеріне қайырымдылық шарасы ұйымдастырылды.
Бүлдіршіндердің жүздеріне күлкі, көңілдеріне шаттық сыйлаған іс-шара ерекше қарқынмен бастау алды.
Балалар алдымен «Kinoplex» кинотеатрында «Он өмір» фильмін тамашалап, өз эмоцияларымен бөлісті. Кейін «My kids», «Keremet park» балаларға арналған ойын алаңында тәттілерден алып, түрлі ойын алаңдарында, аттракциондарда ойнады.
Шара соңында ұйымдастырушылар балаларды мерекемен құттықтап, тәтті сыйлықтар толтырылған қораптарды табыс етті.