09 Қыркүйек, 2023 117

Атыраулық бүркітші төрт жылда бір болатын жарыста жеңіске жетті


Астана қаласында Ұлттық спорт түрлерінен ұйымдастырылған фестиваль аясында «Құсбегілік» бойынша жарыстар өз мәресіне жетті, деп хабарлайды AtyrauPress тілшісі.

Спорттық іс-шара төрт жылда бір болатынын естеріңізге сала кетейік. Үш күнге созылған жарыс өте жоғары деңгейде өтті. Еліміздің 15 өңірінен келген спортшылар жүлделі орындарды өзара сарапқа салды. Осылайша, бүркітшілер сайысында жүлделі 1-орынды Атырау облысынан Арман Қошқаров жеңіп алды!

Айта кетсек, асық ату, аударыспақ, бәйге, дәстүрлі садақ ату, жамбы ату, жекпе-жек, көкпар, қазақ күресі, құсбегілік, теңге ілу, тоғызқұмалақ сияқты ұлттық спорт түрінен 17 облыстан, 7 қаладан жалпы саны 1362 спортшы тіркелген.

Амандық САҒЫНТАЙҰЛЫ