Ол өңірдегі тұрмыстық зорлық-зомбылыққа қарсы іс-қимыл барысын тексерді, деп хабарлайды AtyrauPress тілшісі.
Отбасы әл-ауқатының мәселелері, тұрмыстық зорлық-зомбылықтың жүйелі алдын-алу, өмірлік қиын жағдайға тап болған азаматтарға уақтылы көмек көрсету бойынша жүйелі жұмыстар атқарылуда. Осы орайда, облыс әкімінің жанындағы әйелдер істері және отбасылық-демографиялық саясат жөніндегі комиссия жұмысын мониторингтеу мақсатында 30 қаңтар күні Атырау облысына ҚР Қоғам қайраткері, Ұлттық комиссия төрағасының орынбасары Елена Ивановна Тарасенко іс-сапармен келді.
Іс-сапар барысында бірнеше әлеуметтік нысанды, Дағдарыс орталығының жұмыс жүйесімен танысып, Атырау облысы Полиция департаменті қызметкерлерімен кездесті. Кездесуде Ұлттық комиссия төрағасының орынбасары Елена Тарасенко полиция қызметкерлерінің тұрмыстық зорлық-зомбылықтан жәбір көргендер мен агрессорлармен жүргізіліп жатқан жұмыстар жүйесін талқылап, отбасылардың әл-ауқатын жақсарту және әйелдердің құқықтары мен мүмкіндіктерін кеңейту үшін жоғары жауапкершілік пен үйлесімді жұмыстың қажеттігін атап өтті.