Атырауда "Жедел жәрдем" көлігі жол апатын жасап, екі адам ауруханаға түсті
Бұл туралы Атырау облысы полиция департаменті мәлімдеді.
Мейірім Ердәулет, облыстық полиция департаментінің баспасөз хатшысы:
"11 қыркүйек сағат 19:30 шамасында Атырау қаласы Балауса мөлтек ауданында жедел-жәрдем көлік құралы екінші дәрежелі жолдан шығып, басты жолмен келе жатқан Toyota Land Cruiser көлік құралына жол бермей соқтығысқан.
Соққы екпінімен жедел-жәрдем көлік құралы үй қоршауына соғылған. Салдарынан "Жедел жәрдем" көлігінің екі жолаушысы және Toyota көлігінің жүргізушісі ауруханаға жеткізілді. Қазіргі уақытта тиісті іс-құжаттар жинақталуда".
