Атырау облысында "Жасыл ел – 2023" жастар еңбек жасақтары жауынгерлерінің қатарына қабылдау басталды, деп хабарлайды AtyrauPress.
"Жасыл ел" жастар еңбек жасағының 2023 жылғы XIХ еңбек маусымына 16-35 жас аралығында жастарды жұмысқа қабылдау басталды.
Жауынгерлер елді мекендерді көгалдандыру және абаттандыру жұмыстарын жүргізеді, "Жасыл ел" қамқорлығымен түрлі тақырыптық іс-шаралар мен экологиялық акцияларға қатысады.
Атырау облысының 7 ауданына және Атырау қаласына қарасты 7 ауылдық округ: Ақсай, Еркінқала, Дамбы, Қайыршақты, Атырау, Алмалы, Кенөзек аумақатарына ғана жұмысқа қабылдайды. Атырау қаласының орталығындағы аумақтар, мәселен жағалау, ретро саябақ т.б қарастырылмаған.
"Жасыл ел" ЖЕЖ жастарды тек 1 ай ғана жұмыспен қамтиды. Нақтырақ айтқанда, маусым айында жұмыс жасаған сарбаз шілде, тамыз айларында жұмыс істей алмайды.
Бір айлық жұмыс ақысы – 70 мың теңге. Салықтарды шегергенде 55 мың 440 теңге таза жалақы қолға тиеді.
Жұмысқа қабылдануға қажетті құжаттар:
-Жеке куәлік;
-Kaspi Gold IBAN шот (20 таңбалы нөмір): ұялы телефондағы Kaspi.kz қосымшасы арқылы алуға болады;
-18 жасқа толмаса ата-анасының рұқсат қағазы.
Эльмира МЫҚТЫБАЕВА