АТЫРАУДА ЗАРОСЛЫЙ ЕЛДІМЕКЕНІНЕ ТОК ЖҮЙЕСІ ЖҮРГІЗІЛЕДІ
Зарослый ауылына электр желісі 2011 жылы тартылғанымен, электр кабельдері, сымдар және қажетті жабдықтар ұрланғандықтан, желі іске қосылмады.
Соған байланысты, электр қуатын беру үшін уақытша трансформаторлық қосалқы стансы орнатылған, деп хабарлайды ATPress.kz қала әкімінің баспасөз қызметіне сілтеме жасап.
«Қазір жаңа сметалық жобалау құжаттамасы әзірленіп, мемлекеттік сараптамадан өтті. Тапсырыс беруші – қалалық құрылыс бөлімі. Жалпы ұзындығы 5 шақырымды құрайтын электр желілерін «Айком ЛТД» мердігер мекемесі жүргізеді» делінген хабарламада.
Қалалық құрылыс бөлімінің басшысы Батыржан Мусакаевтың айтуынша, аталған аумақтағы жарық мәселесі толықтай шешіледі. Сондай-ақ, ол жақын арада тиісті құрылыс жұмыстары басталатынын айтып, көшелер заманауи жарықтандырумен жабдықталатынын жеткізді.
