Атырауда VIP нөмірлерді жалған түбіртекпен сатып алғандар анықталды

Бұл туралы қала прокуроры Аршат Тайтуллин мәлімдеді, деп хабарлайды ATPress.kz. Жоғары сұранысқа ие нөмірлерді сатып алу барысында жалған түбіртектер пайдаланылып, мемлекет пайдасына залал келтірілген.
- Сатып алынған нөмірлердің сомасын бюджетке нақты түсіммен салыстырып тексеру барысында, 5 млн. теңгеден астам қаражаттың түспегендігі белгілі болды. Яғни, VIP нөмірлердің автоәуесқойлары төлем жасарда жалған түбіректер қолданған – деді қала прокуроры Аршат Тайтуллин.
Аталған факт бойынша қала прокуратурасымен ҚР ҚК-нің 190-бабының 3-бөлігімен және 385-бабының 3-бөлігімен сотқа дейінгі тергеп-тексеру басталған, тергеу амалдары жүргізілуде.