Атырауда үздік спортшы кім? (+ФОТО)
Атырау облыстық дене шынықтыру және спорт басқармасы жылдың үздік спортшысын анықтамақ, деп хабарлайды AtyrauPress тілшісі.
Осыған орай, басқарманың әлеуметтік желісінде үміткерлердің тізімі жарияланды. Онда – бокстан Азия чемпионатының жүлдегері (Амман, Иордания) Райс Нұрқанат,дзюдодан Әлем чемпионатының жүлдегері (Ташкент, Өзбекстан) Абиба АБУЖАҚЫНОВА, таеквондодан Азия чемпионатының жүлдегері (Оңтүстік Корея, Чхунчхон) және Нұрай Хұсайынова бар.
"Кім үздік, бұл туралы төменде өз пікіріңізді білдіріңіз. Тек бір адам бір ғана үміткерге дауыс бере алады" делінген жазбада.
Ал, олимпиадалық емес спорт түрі бойынша "Жыл спортшысы-2022" аталымына – ММА-ден Әлем чемпионатының жүлдегері, Азия чемпионы Ерұлан КАБДОЛОВ,самбодан Әлем чемпионатының алтын және күміс жүлдегері, Азия чемпионы Айдынбай ҚАЙЫРБЕРДІ, сондай-ақ, гір көтеруден әлем және Азия чемпионы Ришад ГАЛИАХМЕТОВ үміткер.
