Атырауда тестілеу пунктінің мекенжайы өзгерді

Атырау қаласында тестілеу пунктінің мекенжайы өзгерді. Енді тест тапсырушылар Сырым Датов көшесі  №208 үйге келуі қажет, деп хабарлайды AtyrauPress.

«10 тамызда Атырау қаласында тест тапсыруға тіркелген талапкерлер назарына! Сіздерге жеке кабинеттеріңіздің «Менің іс-әрекетім» бөлімінде ҰБТ-ның күні, уақыты, орны туралы жаңа ақпарат жарияланғанын және sms-хабарлама жіберілгендігін хабарлаймыз. Мекенжайды шатастырып алмаңыздар», - делінген Testcenterkz telegram-каналында.

Айта кетейік, магистратураға түсуге арналған кешенді тест тапсырушылар үшін мекенжай өзгерген жоқ.

 

Эльмира МЫҚТЫБАЕВА