Аймақ басшысы Серік Шәпкенов бұл бағыттағы жұмыстардың жалғасын табатынын айтты.
- Азаматтардың өмірі мен қауіпсіздігін сақтау – қай істің де, қай шешімнің де түп негізінде тұратын ең басты қағида. Апаттық-құтқару қызметтерінің әлеуетін арттыру және олардың жедел әрекет ету мүмкіндігін дамыту бағытындағы жұмыстар қашан да күн тәртібінде. Бұл – автопаркті жаңарту ғана емес, қауіпсіз әрі орнықты қоғам қалыптастыруға бағытталған ұзақмерзімді инвестиция. Кадр мәселесін де назарда ұстап отырмыз. Азаматтық қорғаныс саласында білікті мамандар даярлау үшін оқу орындарына облыс әкімдігі тарапынан арнайы гранттар бөлінеді, - деді ол.
Бұл күні барлығы 27 техниканың кілті табысталды. Атап айтқанда, бұлар – тоғыз КАМАЗ-43118 6х6 шассиіндегі АЦ-6,0-70, алты КАМАЗ-43253 4х2 шассиіндегі АЦ-5-40, үш КАМАЗ-43118 6х6 шассиіндегі АЦ-8,0-70 өрт сөндіру автоцистерналары және екі КАМАЗ 43118 6х6 шассиіндегі автоотын құюшы.
Қалғандары – бір данадан КАМАЗ-43118 6х6 шассиіндегі АЦ-10, КАМАЗ-43118 6х6 шассиіндегі АСА-20 өрт сөндіру автоцистерналары, КАМАЗ 43118 6х6 шассиіндегі АЦЛ-30 механикалық сатысы бар өрт сөндіру автоцистернасы, КАМАЗ шассиіндегі байланыс және жарықтандыру автокөлігі 43118 6х6, КАМАЗ 43118 4х2 шассиіндегі манипулятор-эвакуатор, MAN 8х4 негізіндегі AKP - 70 VEMA және қар-батпақты жерде жүре алатынТрэкол Вега-409 6х6.
Анықтама: 2024 жылы жергілікті және республикалық бюджет есебінен 91 техника, 1 жүзу құралы сатып алынды.
Одан әрі ведомсвто басшысы Құрманғазы ауданы Бөкейхан, Мақат ауданы Доссор, Қызықоға ауданы Тасшағыл және Махамбет ауылдарындағы жаңа өрт сөндіру депосының ашылу салтанатына қатысты. Аталған нысандар жергілікті бюджет есебінен салынып отыр.
Айта кетейік, Бөкейхан мен Доссордағы 14 орындық нысандардың аумағы 480 шаршы метрді құрайды. Құрылыс мердігері – "Декор" ЖШС.
Сол сияқты, Тасшағылдағы 20 орындық нысанның аумағы да – 480 шаршы метр. Мердігер – «МСК-БАТЫЛ» ЖШС.
Ал, Махамбеттегі 21 орындық нысанның аумағы 811,2 шаршы метрге созылған. Мердігер – «DMISTRAL» ЖШС.
